"Adu-Dhabi Chess Festival". Ўзбекистонлик шахматчи қиз - тенгсиз, бошқа вакилларимиз ҳам юқори ўринларда

Бирлашган Араб Амирликларининг Абу Даби шаҳрида Ўттизинчи Абу-Даби Халқаро шахмат фестивали бўлиб ўтмоқда. 14 август куни старт олган мусобақада юртимиз шарафини жами 32 нафар шахматчи ҳимоя қилмоқда.

Мукофот жамғармаси жами 104 минг 50 АҚШ долларини ташкил этувчи турнирда 250 дан ортиқ шахматчи "Masters", "Open А", "Open B" ҳамда "Juniors" гуруҳларида беллашмоқдалар. 

Қувонарли томони шундаки, "Ladies" гуруҳида ҳамюртимиз Ҳамдамова Афруза ғолибликни қўлга киритди. Жами 6,5 балл тўплаган ҳамюртимиз рақибларидан ажралиб турган ҳолда, ушбу гуруҳ пешқадами сифатида турнирни якунлади. Бундан ташқари, яна бир ҳамюртимиз Шаҳноза Сабирова 6 балл билан кучли тўртликдан ўрин эгаллади. 

Бошқа вакилларимиз жой олган ўринлар: 

11. Нилуфархон Имомқўзиева - 5 балл; 
38. Асмина Абдулазизовна - 4 балл; 
58. Асмирахон Абдулазизовна - 2,5 балл; 
81. Асал Салимова.

Бундан ташқари, "Family Teams" баҳсларида Ўзбекистондан ташриф буюрган Якуббоевлар оиласи иккинчи поғонани қўлга киритди ва 300 АҚШ доллари соврин мукофотига эга бўлди: 



Шунингдек, 16 ёшгача бўлганлар ўртасида блиц баҳслари ҳам бўлиб ўтди. Қувонарли томони, унда вакилимиз Ҳумоюн Бегмуратов тўртинчи поғонага эга чиқди ва 200 АҚШ доллари пул мукофотини қўлга киритди.

 
"Juniors" гуруҳининг умумий жадвалида яна бир вакилими Акобирхон Сайдалиев 6-поғонани банд этди ва пул мукофотига эга чиқди. Шунингдек, Акбар Якуббоев 11, Икромжон Ҳалилов 13, Асилбек Абдулазизов 56, Азизжон Абдукаримов эса 125-поғонанибанд этди.



"Juniors" - Under 14, аниқроғи, "Juniors" тоифасининг 14 ёшгача бўлган шахматчилар гуруҳида Акбар Якуббоев 3-ўринни эгаллади ва унга 150 АҚШ доллари берилди. 



"Juniors" - Under U8 гуруҳида иштирок этган вакиламиз Асмина Абдулазизовна сўнгги тургача учинчи ўринни банд этиб турганди, аммо 3-турдаги мағлубият уни совринли ўриндан маҳрум қилди. Унга совринли ўрин учун атиги 0,5 балл етмади. 



Абу Даби шаҳрида ўтказилаётган Халқаро шахмат фестивали давом этади. Олдинда бизни "Masters" гуруҳидаги қизиқарли баҳслар кутиб турибди.