А Серия. Шомуродов ва Баделнинг голлари "Женоа"ни мағлубиятдан қутқариб қолди

Италия А Сериясининг 23-туридан ўрин олган "Женоа" ва "Верона" ўртасидаги баҳс якунланди. Мазкур учрашувда жамоалар  2:2 ҳисобидаги жанговар дурангга имзо чекди. 

Учрашувни захира ўриндиғида бошлаган Шомуродов иккинчи бўлимда майдонга тушиб, ўз ҳисобига 1та гол ёздириб қўйди. 48-дақиқада Элдор ҳимоячининг хатосидан сўнг рақиб посбонини осонликча доғда қолдирди.

Шу тариқа, онлайн жадвалда "Верона" ушбу дурангдан сўнг 34 очко билан 9-ўринда қолган бўлса, "Женоа"  26 очко тўплаган ҳолда 11-ўринни эгаллаб турибди.