А Серия клублари МЮ ҳужумчиси учун курашади

"Манчестер Юнайтед" ҳужумчиси Расмус Хёйлун фаолиятини Италия чемпионатида давом эттириши мумкин. Бу ҳақда инсайдер Фабрицио Романо хабар бермоқда.

Манбанинг маълум қилишича, А Серия клублари 22 ёшли даниялик футболчининг ҳаракатларини синчковлик билан кузатиб бормоқда. Журналистнинг таъкидлашича, агар "Манчестер Юнайтед" ёзда янги ҳужумчи сотиб олиш учун Хёйлунни сотишга қарор қилса, италия клублари аниқ музокараларни бошлашга тайёр бўлишади.

Маълумот учун, жорий мавсумда ҳужумчи 41 та ўйинда иштирок этиб, 8 та гол урди ва 4 та голли узатмани амалга оширди. Transfermarkt портали Хёйлуннинг қийматини 45 миллион еврога баҳоламоқда.