Поветкин кейинги жангини апрел ойида ўтказади
- 5-феврал 2019, 19:49
- Shahobiddin
- 0
- Бокс
Россиялик боксчи Александр Поветкин кейинги жангини апрел ойида Буюк Британия ёки АҚШда ўтказиши мумкин. У бу ҳақда журналистларга маълум қилган.
– Кейинги жанг ким билан бўлишини билмайман. Жанг апрелда бўлиши керак. Жой Англия ёки АҚШ бўлади. Менежерлар музокаралар олиб бормоқда, кўрамиз, улар нима дейишаркан, – дейди 39 ёшли спортсчи.
– Рейтинг бўйича рақиб ким бўлишини айтиш қийин, – дейди боксчи бўлажак рақиби ҳақида. – Яқинда елкамдан операция қилиндим. Ҳозир мени безовта қилмаяпти. Ишлашда давом этаман ғалаба қозонишга ҳаракат қиламан.
Эслатиб ўтамиз, сентябрда россиялик боксчи британиялик Энтони Жошуадан 8-раундда техник нокаут қабул қилиб, Бутунжаҳон бокс ассоциацияси (WBA), Бутунжаҳон бокс ташкилоти (WBO) ва Бутунжаҳон бокс федерацияси (IBF) жаҳон чемпионлиги камарларини қўлга кирита олмаган эди.
Поветкин 2004 йилги Олимпиада чемпиони ва Бутунжаҳон бокс ассоциацияси (WBA) собиқ мунтазам чемпиони бўлган. Унинг ҳисобида 34 ғалаба (24 нокаут) ва 2 мағлубият бор.