Ўйин пайти 18 ёшли англиялик футболчининг соғлиги бирдан ёмонлашди ва шифохонага олиб кетилди

Кеча Чемпионшипнинг 31-туридан ўрин олган "Мидлсбро"га (1:1) қарши ўйин пайтида "Лидс" ҳужумчиси Жек Кларкнинг соғлиги ёмонлашиб қолди.

Sky Sports тарқатган хабарга қараганда 18 ёшли футболчи ўзини ёмон ҳис қилаётгани сабаб 1-бўлимдан сўнг захирага олинган ва дарҳол шифохонага олиб кетилган. Бироқ, ҳозирча бу вазият юзасидан тўлиқ маълумот йўқ. Аммо, хабарларга кўра Кларк шифохонадан чиққан ва жамоасининг бугунги машғулотларида иштирок этган.

Маълумот учун, Кларк жорий мавсум “Лидс” сафида жами 16та ўйинда иштирок этди ва ўз ҳисобига 2та гол ҳамда 2та голли узатма ёздириб қўйишга эришган.