Нико Ковач: "Аугсбург" устидан қозониладиган ғалаба "Ливерпул"га қарши баҳс олдидан жуда муҳим

"Бавария" бош мураббийи Нико Ковач бугун Германия Бундеслигасининг 22-туридан ўрин олган "Аугсбург"га қарши баҳс олдидан ўз фикрини билдириб ўтди.

“Ушбу баҳс “Ливерпул”га қарши ўйин олдидан жуда ҳам муҳим эканлигини барча яхши тушуниб турибди. Биз ушбу ўйинга бор эътиборимизни қаратамиз. Чунки, агар ушбу ўйинда ижобий натижага эришсак, бу “Ливерпул”га қарши баҳсда бизга қўл келади. Биз “Аугсбург”га енгил қарамаслигимиз керак. Агар ғалаба қозонсак, мусобақа пешқадамига янада яқинлашиб оламиз”, - дейди хорватиялик мутахассис.

Эслатиб ўтамиз, мюнхенликлар айни дамда пешқадам “Боруссия” Дортмунддан 5 очкога ортда қолишмоқда. "Аугсбург" - "Бавария" ўйини эса бугун Тошкент вақти билан соат 00:30да бошланади.