МЮ Виллиан учун курашда "Барселона"ни ортда қолдирмоқчи
- 8-июл 2018, 18:49
- Baxtiyorjon Toshtemirov
- 0
- Футбол
"Манчестер Юнайтед" клуби "Челси" ярим ҳимоячиси Виллианни қўлга киритиш учун жиддий бел боғлади.
The Sun нашрининг хабар беришича манкуанликлар 29 ёшли бразилиялик футболчини жорий ёзги трансферлар давридаёқ ўз сафларига қўшиб олишни режалаштиришмоқда ва бунинг учун “аристократлар”га 68 млн евро таклиф қилишга тайёр. Айтиш керакки, Виллианни шахсан жамоа устози Жозе Моуриньо “Олд Траффорд”да кўрмоқчи. Эслатиб ўтиш лозимки, Виллиан ўз вақтида “Челси”да айнан Моуриньо қўл остида тўп сурган.
Ўз навбатида Виллиан учун шунингдек “Барселона” ҳам кураш олиб бормоқда. Бироқ каталонияликлар ушбу футболчи учун МЮ таклиф қилаётган пулни бермоқчи эмас. Аммо, шунга қарамай Виллиан “Камп Ноу”га кўчиб ўтиш истагини билдирмоқда.
Маълумот учун, Виллиан якунланган мавсум “Челси” сафида жами 55та учрашувда майдонга тушиб, ўз ҳисобига 13та гол ҳамда 12та голли узатма ёздириб қўйишга эришган.