5 ноябрь куни Испаниянинг Мадрид шаҳрида каратэ бўйича катталар ўртасидаги жаҳон чемпионати старт олади. Ҳар икки йилда ўтказиладиган мусобақада 130 дан ортиқ мамлакат вакиллари қатори терма жамоамиз вакиллари ҳам иштирок этишади.
Дунё биринчилигида юртимиз шарафини ҳимоя қиладиган спортчиларимиз Мадрид сафарига йўл олишди. МОҚнинг маълум қилишича, мусобақада 7 нафар спортчимиз иштирок этишади. Терма жамоамиз таркиби қуйидагича:
Эркаклар:
-60 кг: Садриддин Сайматов;
-67 кг: Иқболжон Узоқов;
-75 кг: Дастонбек Отаболаев;
+84 кг: Ғофуржон Зоҳидов.
Аёллар:
-50 кг: Бахринисо Бобоева;
-61 кг: Барно Мирзаева;
-68 кг: Дилдор Аннадурдиева.
Қайд этиш лозимки, каратэ Олимпия ўйинлари дастуридан ўрин олганидан сўнг спортнинг ушбу турига бўлган қизиқиш сезиларли равишда ўсди. Таққослаш учун бунгача ўтказилган жаҳон чемпионатларида иштирокчи мамлакатлар ва спортчилар сони қуйидагича бўлганди.
Линц-2016: 110 мамлакатдан 1049 нафар спортчи;
Бремен-2014: 116 мамлакатдан 700 нафар спортчи;
Париж-2012: 116 мамлакатдан 990 нафар спортчи.
Бўлажак мусобақада каратэчиларимизга омад тилаб қоламиз.