Эмери Ляказеттни ПСЖ сафида кўрмоқчи бўлган

Лондоннинг "Арсенал" клуби бош мураббийи Унаи Эмери ПСЖ да ишлаб юрган пайтларидаёқ ўша вақтларда "Лион" вакили бўлган Александр Ляказеттни ўз жамоасида кўришни истаганини маълум қилди.

- ПСЖ бошқарувига келган вақтимда биз Ляказеттни Парижга олиб келиш ҳақида кўп бош қотирганмиз. Бироқ у "Лион" сафида ўйнарди ва ПСЖ га ушбу жамоадан қайсидир футболчини жалб этиш жуда мушкул эди, - дейди испаниялик мутахассис Sky Sports га берган интервьюсида.

Қайд этиш лозим, Ляказетт айни пайтда лондонликларнинг асосий ҳужумчиларидан бири саналади.