Безерранинг жамоаси Это'О тўп тепадиган клубдан устун келди

"Пахтакор"даги ажойиб ўйинлари билан мухлисларнинг олқишига сазовор бўлган бразилиялик футболчи "Ал-Хор" жамоаси сафига кўчиб ўтган эди.

Бугун эса Қатарда 17-тур ўйинлари давом эттирилди. Айнан Безерра тўп тепадиган "Ал Хор" ўз уйида "Қатар СК" билан куч синашди.

Мазкур учрашувда мезбонлар 3:1 ҳисобидаги ишончли ғалабани қўлга киритди. Эътиборлиси, "Ал Хор"нинг дастлабки голига айнан Безерра муаллифлик қилди. Маълумот учун, "Қатар СК" сафида камерунлик машҳур ҳужумчи Самуэль Это'О тўп тепади ва бугун ҳам рақиб дарвозасини ишғол қилишга эришди.

Бугунги муваффақиятдан сўнг "Ал Хор" клуби ҳисобидаги очколар сони 12 тага етди ва жамоа ҳамон турнир жадвалида 11-ўринда бормоқда.

Қатар Юлдузлар лигаси. 17-тур

"Ал Хор" - "Қатар СК" 3:1

Голлар: Безерра (40 пенальтидан), Вагнер (51), Мусааб Абдулмажид (90+4) - Это'O (70 пенальтидан).