Бензема: Солари ҳеч бўлмаганда мавсум якунигача жамоада қолиши керак

Мадриднинг “Реал” клуби ҳужумчиси Карим Бензема кеча ЕЧЛ гуруҳ босқичининг 4-туридан ўрин олган “Виктория”га (5:0) қарши бўлиб ўтган ўйиндан сўнг жамоани вақтинчалик бошқариб турган Сантьяго Солари ҳақида ўз фикрини билдириб ўтди.

“Албатта, нега энди йўқ? У билан ишларимиз жойида. Мураббийнинг бир ёки икки ойга келишини хоҳламайман. Шундай экан Солари камида мавсум якунига қадар жамоада қолиши керак. У – ажойиб мураббий. Биз ҳозир ўзимизда нисбатан кўпроқ ишончни ҳис қиляпмиз ва биз ҳали бошқалар билан рақобатлаша оламиз”, - дейди франциялик футболчи.