"Атлетико" Облакка янги шартнома таклиф қилиб, унинг маошини ва товон пулини оширмоқчи
- 9-август 2018, 08:37
- Baxtiyorjon Toshtemirov
- 0
- Футбол
Мадриднинг "Атлетико" клуби раҳбарияти жамоа дарвозабони Ян Облак билан тузилган шартномани узайтирмоқчи. Бу ҳақда AS нашри хабар бермоқда.
Унга кўра “матрасчилар” 25 ёшли словениялик посбоннинг маошини 2 баробарга ошириб, у билан келишувни 2023 йилга қадар узайтиришмоқчи. Агар ушбу шартнома имзоланса, Облакнинг товон пули 100 миллион эмас, балки 250 миллион этиб белгиланади.
“Атлетико”нинг бундай қарорга келиши жаҳон трансфер бозорида дарвозабонлар нархининг кескин ошгани билан боғлиқлиги айтилмоқда.
Эслатиб ўтиш лозимки, Лондоннинг “Челси” клуби кеча “Атлетик” Бильба дарвозабони Кепа Аррисабалагани 80 миллион еврога харид қилди ва бу борада жаҳон рекордини ўрнатди.
Изоҳлар (0)
Ҳозирча изоҳлар йўқ