Андрей Шипилов: Чемпионатни яхши нуқтада якунладик

"Бугун яхши ўйин гувоҳига айландик. Чемпионатни яхши нуқтада якунлаётганимиздан хурсандман. Зеро гарчи бугунги ўйин мусобақа жадвалига таъсир ўтказмаса-да, йигитларимиз майдонда ажойиб ўйин намойиш этишди. Ҳақиқий профессионал об-ҳаво ёки мусобақа жадвалида қандай ўринда боришдан қатъий назар майдонда тўлиқ бор кучлари билан ҳаракат қилиб, ўз ишқибозларини хурсанд қилишга уринишади. Чемпионатни муваффаққиятли тарзда якунлаётганимиз билан барча ишқибозларимизни табриклайман", - деди мураббий.