“Барселона” Суарес музокараларни якунлаш арафасида
- 12-ноябр 2016, 20:45
- 0
- Футбол
“Барселона” клуби ҳужумчиси Луис Суарес жамоа билан шартномасини узайтириш борасида ўз фикрларини билдириб ўтди.
“Барселона”нинг уругвайлик футболчи билан келишувни узайтириш ҳақида хабарлар сентябрь ойи бошида маълум бўлган эди. Шу вақтгача каталон клуби Хавьер Маскерано, Серхио Бускетс ва Неймар билан шартномани узайтиришга эришди.
“Шартномамни узайтириш борасида ишлар тўғри йўлдан кетмоқда. Улар бу ишни якунлаш арафасида туришибди. Ҳозир мен ҳар доим орзу қилган жамоа аъзосиман”, – дея Суареснинг сўзларини келтиради Football Espana нашри.
Суарес бу мавсум “Барселона” сафида барча мусобақаларда 16 учрашувда майдонга тушиб, 11 гол ва 6 голли узатмага муаллифлик қилган. 29 ёшли ҳужумчининг “Барселона” билан тузган амалдаги шартномаси 2019 йил ўртасигача мўлжалланган.