Зидан жиддий клубда иш бошлаши кутиляпти

Зинедин Зидан уч ярим йилдан бери ишсиз юрибди. У мураббийлик фаолияти давомида фақатгина икки марта “Реал”ни бошқарган холос.

Ҳар йили унга гранд клублардан жиддий таклифлар бўлади. Бироқ франциялик мутахассис шу пайтгача  Франция терма жамоаси бош мураббийлигини кутиб, клублар чорловини қабул қилмаётган эди.

Transfer News Live ва Fichajes каби манбаларнинг маълум қилишича, ПСЖ хўжайинлари Зиданни бош мураббийликка олиб келмоқчи.

Агар Париж клуби Европа Чемпионлар лигасиганинг плей-офф босқичига чиқа олмаса, ҳозир жамоани бошқараётган Луис Энрике истеъфога чиқарилади.

Зинедин Зиданнинг ўзи ҳам мураббийлик фаолиятини қайта тиклаш ва  таклиф бўлса, бирор жамоани бошқаришга тайёрлигини билдирган эди.