Зангиотада “Спорт ярмаркаси” ўтказилди

Тошкент вилояти Зангиота тумани Жисмоний тарбия ва спорт бўлими ҳамда болалар-ўсмирлар спорт мактаби томонидан туманда жойлашган 14-сонли умумтаълим мактабида “Спорт ярмаркаси” ўтказилди.

 

Унда туман ҳудудларидаги спорт тўгаракларида шуғулланаётган ёш спортчилар, мураббий ва оммавий ахборот воситалари ходимлари иштирок этди.

 

“Спорт ярмаркаси”да болалар-ўсмирлар спорт мактаби тарбияланувчилари ўзларининг спортдаги ютуқларини тенгдош дўстлари ва тадбирга келган меҳмонларга намойиш қилди. Шунингдек, ёш спортчиларнинг кўргазмали чиқишлари ярмарка иштирокчилари қалбига жўшқинлик бахш этди.

 

– Мазкур ярмаркадда тумандаги учта умумтаълим мактабининг 400 нафардан ортиқ ўқувчиси иштирок этди.Уларнинг деярли барчаси ўзларига қизиқ бўлган спорт турларига қатнашиш бўйича спорт мактаби мураббийларига мурожаат қилишди, – дейди Тошкент вилояти, Зангиота тумани болалар ва ўсмирлар спорт мактаби директори Комил Одилов.