"Yuventus" yozda "Lokomotiv" futbolchisini sotib oladi

Moskvaning "Lokomotiv" klubi yarim himoyachisi Aleksey Miranchuk faoliyatini "Yuventus"da davom ettiradi. Bu haqda Sport Mediaset nashri xabar tarqatmoqda.

Yuqoridagi manbaaga ko‘ra turinliklar 24 yoshli rossiyalik futbolchining transferi bo‘yicha “temiryo‘lchilar” bilan kelishuvga erishishgan. Aytish kerakki, ushbu transfer yozda amalga oshiriladi va u 40 mln evroga baholanmoqda.

Eslatib o‘tamiz, Miranchuk EChL guruh bosqichi doirasida “Yuventus”ga qarshi o‘tkazilgan har ikkala bahsda ham gol urishga erishgan edi.

Ma’lumot uchun, Miranchuk joriy mavsum “Lokomotiv” safida 16 ta o‘yinda maydonga tushdi va o‘z hisobiga 8 ta gol hamda 3 ta golli uzatma yozdirib qo‘yishga erishdi.