Xayrulla Hamidov: Vadim Abramov hali ham sahnada ekanini ko‘rsatdi va murabbiylikdagi “nevarasi” - Shatskixga saboq berdi

1 avgust kuni O‘zbekiston kubogida nimchorak finaldan o‘rin olgan "Dinamo" - "Paxtakor" uchrashuvi bo‘lib o‘tdi. Bellashuvda samarqandliklar 3:2 hisobida g‘alaba qozonib, chorak finalga yo‘l oldi. "Sherlar" esa kubok bahslaridan chiqib ketdi.

Ushbu voqelikdan so‘ng taniqli sharhlovchi Xayrulla Hamidov telegramdagi sahifasida o‘z fikrlarini bildirdi. 

- “Dinamo”ni tarixiy g‘alaba bilan tabriklaymiz, hatto pro-ligadaligida ham “Paxtakor”ning kushandasi bo‘lishda davom etyapti.

Ammo mana bu videoda aytilganidek, “Paxtakor”ning asosiy quroli Cheran ekani yana tasdiqlandi. Bir bo‘lim Dragansiz - 0-3, u tushib - 2:3 va sal qolyapti o‘yinni qutqarishiga.

Xullas, Vadim Abramov hali ham sahnada ekanini ko‘rsatdi va murabbiylikdagi “nevarasi” - Shatskixga saboq berdi.

Bravo, “Dinamo”, bravo, Samarqand! - dedi Xayrulla Hamidov.