Xavi: "Maydonda hukmronlik qilishimiz kerak"

"Barselona" bosh murabbiyi Xavi Evropa ligasi doirasida "Napoli"ga qarshi bo‘lib o‘tadigan o‘yin borasida fikr bildirdi. 

"Napoli" bizga bosim o‘tkazadi. O‘yin juda shiddatli o‘tishi kutilmoqda. Biz dadil harakat qilib, imkoniyatlar yaratishimiz kerak. 

Bizning maqsadimiz - 2:1 yoki 3:1 hisobida g‘alaba qozonish. Ertaga maydonda hukmronlik qilishimiz lozim", - dedi Xavi. 

Qayd etish lozim, ushbu jamoalarning "Kamp Nou"da bo‘lib o‘tgan o‘yini 1:1 hisobida yakunlangandi.