Vinisius "Real"da qancha maosh oladi?

Braziliyalik hujumchi Vinisius Juniorning "Real"dagi maoshi ma’lum bo‘ldi. Marca nashri tarqatgan xabarga qaraganda u “qirollik klubi”da yiliga 2,5 million evro maosh olmoqda.

Yuqoridagi manbaga ko‘ra, Vinisius hozirda “Real” bilan shartnomani uzaytirish borasidagi takliflarni rad etmoqda. U bundan oldin faoliyatida yana bir muhim qadam tashlamoqchi.

Vinisius joriy mavsum "Real" safida La Ligada 5 ta o‘yinda maydonga tushdi va o‘z hisobiga 5 ta gol hamda 1 ta golli uzatma yozdirib qo‘ydi.