Velosportchilarimiz Hindiston va Xitoyga yo‘l olishdi

O‘zbekiston velosiped sporti federatsiyasi milliy terma jamoaning 1 nafar murabbiyi hamda 2 nafar o‘smir sportchini xalqaro o‘quv-mashg‘ulot yig‘ini o‘tkazish uchun Hindistonga jo‘natdi.

Delegatsiyamiz joriy yilning 11 sentyabr kuniga qadar Hindistonda bo‘lib o‘tadigan xalqaro o‘quv-mashg‘ulot yig‘inida velosiped sporti bo‘yicha o‘z maxoratlarini oshirib boradilar. Undan ko‘zlangan maqsad o‘smirlardan iborat bo‘lgan milliy terma jamoani 2022, 2024 va 2028 yilgi yozgi Olimpiya o‘yinlariga bosqichma-bosqich tayyorgarlik ko‘rishlariga xizmat qiladi.

Shuningdek, 1 nafar murabbiy va 3 nafar sportchi Pekin shahrida bo‘lib o‘tadigan xalqaro musobaqada ishtirok etish uchun Xitoy davlatiga jo‘nab ketdi. Shu bilan birga mazkur delegatsiya joriy yilning 4-9 sentyabr kunlari Rossiyaning Omsk shahrida bo‘lib o‘tadigan xalqaro musobaqada hamda 9-11 sentyabr kunlari Hindiston davlatida bo‘lib o‘tadigan trek yo‘nalishidagi Osiyo kubogida ham ishtirok etadilar.

Axamiyatli tomoni shundaki ushbu xalqaro musobaqalar sportchilarimizga Tokio 2020 Olimpiya o‘yinlariga qimmatli reyting ballarini  taqdim etadi.