Van de Bekning "Real"ga transferi nega barbod bo‘ldi?

Kecha “Ayaks”dan “Manchester Yunayted”ga ko‘chib o‘tgan yarim himoyachi Donni van de Bekning agenti Shak Svart nima sababdan mijozi “Real”ga o‘tmaganini aytdi.

Uning so‘zlariga ko‘ra, van de Bek “Real” bilan mart oyidayoq kelishuvga erishgan, ammo yuzaga kelgan pandemiya “Qirollik klubi”ning rejalarini o‘zgartirib yuborgan. Natijada “Real” qimmat transferlardan voz kechgan va shu sababli gollandiyalik futbolchini MYu sotib olgan.

Aytish kerakki, van de Bekka “Real”dan tashqari "Barselona", "Yuventus" va "Arsenal" klublari ham xaridor bo‘lgan edi.