Бу адолатдан эмас! “Сити” сардори Ҳусанов жароҳатига муносабат билдирди

Англия Премьер-лигасида “Арсенал” майдонидан бир очко олиб қайтган “Манчестер Сити” жамоасининг янги сардори Бернарду Силва футбол тақвимини тузган мутасаддиларни кескин танқид остига олди.

Англия футболининг бир қатор манбалари, хусусан,  news18.com,  crunchsports.com ҳамда thescore.com сайтлар португалиялик юлдузнинг “Эмирейтс” стадионидаги марказий учрашувдан кейин билдирган эътирозларини эълон қилди.

Бернарду Силва чемпионатнинг муҳим учрашуви олдидан “Манчестер Сити”га тикланиш ва ўйинга тайёргарлик кўриш учун етарли даражада вақт берилмаганини танқид қилди. Бу Премьер-лиганинг аҳамияти ўта юқори бўлган ўйинидан олдин жамоани жуда мураккаб аҳволга тушириб қўйган.

- Мавсумнинг энг муҳим учрашувларидан бирини бу аҳволда ўтказиб бўлмайди. Бу адолатдан эмас. Чемпионатнинг энг катта ўйинлари олдидан жамоаларга бир хил шароит яратиб бериш керак.

Рақиб ўйин олдидан беш кун дам олди, бизга эса икки ярим кун берилди. Бунақа учрашувлар олдидан бундай қилиб бўлмайди. Учрашувдан аввал, ҳатто ўзим ҳам, оптимал ҳолатда эмаслигимни ҳис қилиб турдим, - деди Бернарду Силва.

Таъкидлаш жоизки, Хосеп Гвардиола шогирдлари Европа Чемпионлар лигасининг умумий босқич биринчи турида Италия чемпиони “Наполи” билан ўтказилган мураккаб учрашувдан кейин 66 соат ўтиб, “Арсенал”га қарши Лондондаги ўйинда саф тортди.

“Канонирлар” эса, Чемпионлар лигасидаги баҳсни “Сити”нинг “Наполи”га қарши ўтказган ўйинидан икки кун аввал ўтказиб бўлганди.

Бернарду Силва бу даражадаги тиғиз тақвим ва юкламаларнинг ҳаддан зиёд ортиб кетиши ўйинчиларнинг жароҳат олишига сабаб бўлишини айтиб, бунга Абдуқодир Ҳусановнинг вазиятини мисол қилди.

- Ўзлари юқори даражада футбол ўйнамаган одамлар, бунақа учрашувда иштирок этиш аҳамиятини умуман англамайди. Сен энг зўр жисмоний ҳолатингда майдонга тушишинг керак. Ҳаммамиз Ҳусанов қандай жароҳат олганини кўрдик. Бунақа ўйинларда борингни бериб курашишга тўғри келади.

“Арсенал” – “Манчестер Сити”, “Манчестер Сити” – “Ливерпуль”, “Арсенал” – “Ливерпуль” каби учрашувларни ташкил қилишда ақл билан қарор қабул қилиш лозим. Бу каби баҳсларда футболчилар бир хил жисмоний ҳолатда бўлиши шарт. Акс ҳолда адолат таъминланмайди. Буни футбол раҳбариятига етказмоқчи бўляпмиз, лекин улар бизни эшитмаяпти ва ҳеч нарса ўзгараётгани йўқ, - деди Бернарду Силва.

Энди Ҳусанов ҳам, Холанд ҳам ўйнамайди!

Ҳусанов – энг катта йўқотиш!

Бизга Ҳусанов етишмади! “Сити” фанатлари Ҳусанов ҳақида яна нималар деяпти?

Туркияни “ёндираётган” Шомуродовни Италияда қўмсаб қолишди!

Ҳусанов ва Холанднинг йўли айрилиши мумкин...

Ҳусановнинг ўйинини экспертлар қандай баҳолади?

Тезкор: Жароҳат олган Ҳусановнинг аҳволи ҳақида дастлабки маълумот берилди