UEFA so‘zida tursa, Chempionlar ligasi g‘olibi kim bo‘ladi?

PSJ o‘z tarixida ilk bor Chempionlar ligasida g‘olib bo‘lish imkoniyati paydo bo‘ldi.

Gap shundaki, parijliklar EChL yarim finalchilari orasida Evropa Superligasiga qo‘shilishni istamagan yagona klub hisoblanadi. Agar UEFA "Real", "Chelsi" va "Manchester Siti"ni musobaqalardan chetlatsa, u holda PSJ sovrin uchun yagona nomzod bo‘lib qoladi.

Agar hammasi o‘zgarishsiz qolsa va klublar chetlatilmasa, PSJ yarim finalda "Manchester Siti"ga qarshi, "Real" esa "Chelsi"ga qarshi bahs olib boradi.

PSJ ushbu bosqichga qadar “Barselona” va “Bavariya” kabi grand jamoalarni turnirdan chiqarib yubordi. Musobaqaning bu holatda to‘xtatilishi Parij klubi uchun nisbatan adolatsizroq bo‘lishi mumkin.