Timur Kapadze terma jamoa bilan xayrlashdi

Timur Kapadze o‘zining instagram ijtimoiy tarmog‘idagi sahifasida quyidagicha post qoldirdi.

"Milliy jamoa bilan faoliyatim nihoyasiga etdi. Bu yillar hissiyotlar, g‘alabalar va unutilmas tajribalar bilan to‘la bo‘ldi. Futbolchilar, jamoa shtabi va federatsiyaga ishonch va hamkorlik uchun minnatdorchilik bildiraman. Ayniqsa, muxlislarga - doimiy go‘llab-quvvatlov, energiya va jamoaga bo‘lgan ishonchi uchun katta rahmat. Bu jamoaning bir qismi bo‘lganimdan faxrlanaman.
Jamoaga kelgusidagi o‘yinlarda omad va yangi yutuqlar tilayman" - deya yozib qoldirdi Milliy terma jamoa sobiq bosh murabbiyi.

Eslatib o‘tamiz, kecha O‘zbekiston Futbol Federatsiyasi Timur Kapadzening terma jamoaning murabbiylar shtabidan ketganini e’lon qilgan edi.