Tayson vataniga qaytishga qaror qildi

Ukrainaning "Shaxtyor" klubi hujumchisi Tayson “konchilar” safidan ketishga qaror qildi.

32 yoshli braziliyalik futbolchi 2021 yilning yoziga qadar, ya’ni klub bilan amaldagi shartnomasi yakuniga etguncha to‘p surib, keyin jamoani erkin agent sifatida tark etmoqchi.

Tayson vataniga qaytib, oilasiga yanada yaqinroq bo‘lishni istamoqda. U 2010 yilda tark etgan “Internasonal” klubiga qaytib bormoqchi.

Tayson o‘tgan davr mobaynida “Shaxtyor” safida jami 281 ta o‘yinda maydonga tushdi va o‘z hisobiga 53 ta gol hamda 78 ta golli uzatma yozdirib qo‘ydi.