Tamom! Suares "Yuventus"ga o‘ta olmaydi

"Barselona" forvardi Luis Suares joriy transferlar davrida "Yuventus"ga o‘ta olmaydi.

Gap shundaki, 33 yoshli urugvaylik futbolchi 6 oktyabrgacha Italiya pasportini olish uchun kerakli hujjatlarni topshirishga ulgurmaydi. 6 oktyabr esa, Chempionlar ligasi ishtirokchilari uchun futbolchilarni ro‘yxatdan o‘tkazishning so‘nggi kuni hisoblanadi. Bu haqda RAC 1 xabar bermoqda.

Lekin Suares baribir “Barsa”dan ketishi mumkin. U boshqa jamoalardan ham takliflarga ega. So‘nggi ma’lumotlarga ko‘ra, Luis uchun Madridning “Atletiko” klubi asosiy da’vogar bo‘lib turibdi.