"Siti" va "Yuventus" bir futbolchi uchun raqobatlashadi

"Vulverxemton" klubi forvardi Adama Traore faoliyatini "Manchester Siti" yoki "Yuventus"da davom ettirishi mumkin. Bu haqda ESPN xabar tarqatmoqda.

Yuqoridagi manbaga ko‘ra, ikkala jamoa ham 24 yoshli futbolchi uchun kurashishga tayyor. Ammo, “Vulverxempton” Chempionlar ligasi yo‘llanmasini qo‘lga kiritsa, Traore jamoada qoladi.

Adama joriy mavsum APL klubi safida 47 ta o‘yinda maydonga tushdi va o‘z hisobiga 6 ta gol hamda 9 ta golli uzatma yozdirib qo‘yishga erishdi.