Shukurov to‘liq o‘ynagan bahsda "Sharja" g‘alaba qozondi

BAA chempionati 2-turidan o‘rin olgan "Al-Dafra" va "Sharja" jamoalari o‘rtasidagi uchrashuv o‘z nihoyasiga etdi. Unda mehmonlar 1:0 hisobida g‘alaba qozondi.

O‘yin taqdirini Malango Ngita tomonidan kiritilgan yagona gol hal etib berdi. Bernardning uzatmasidan keyin hujumchi to‘pni raqib darvozasiga aniq yo‘lladi. Keyinchalik Bavazir tomonidan urilgan gol ofsayd tufayli inobatga olinmadi. Legionerimiz Otabek Shukurov mazkur bahsni asosiy tarkibda boshladi va to‘liq harakat qildi.

Ushbu g‘alabadan so‘ng sharjaliklar ochkolari sonini 6taga etkazib olgan holda, 2-pog‘onaga ko‘tarilib oldi.