Sen kim bo‘libsan, hatto Messiga ham asosiy tarkibdan joy kafolatlamaganman!

“Manchester Siti” yarim himoyachisi Koul Palmer yozgi transferlar chog‘ida “Chelsi” jamoasiga ko‘chib o‘tdi.

“Aristokratlar” bosh murabbiyi Maurisio Pochettino hech bir futbolchiga, jumladan, 21 yoshli Palmerga ham o‘yin vaqti kafolatlanmasligini uqtirdi.

- Agar kimdir futbolchiga nimanidir kafolatlasa, bu yaxshi. Faqat bizda unday emas. Har bir o‘yinchi avval mehnat qilishi, keyin loyiq bo‘lsa, tarkibga kirishi mumkin. “Chelsi” biror futbolchi uchun katta pul to‘lagani ham, unga o‘yin amaliyoti kafolatlanganidan dalolat bermaydi. Bu xato bo‘ladi.

Biz he qachon futbolchiga uni o‘ynatish haqida va’da bermaymiz. Hatto PSJ uchun Lionel Messini olib kelganimizda unga ham asosiy tarkibdan joy kafolatlamaganman, - dedi Maurisio Pochettino.