Saudiya Arabistoni futbolida tarixiy voqea sodir bo‘ldi!

Saudiya Arabistoni ayollar terma jamoasi tarixdagi ilk xalqaro o‘yinini o‘tkazdi.

Seyshel orollariga qarshi kechgan o‘rtoqlik uchrashuvida "sahro lochinlari" 2:0 hisobida zafar quchdi. Muborak Al-Bandari o‘z terma jamoasi safidagi tarixiy - ilk gol muallifiga aylandi.

Eslatib o‘tamiz, Saudiya Arabistonida ilk bor 2018 yilda ayollarga futbol bahsini bevosita stadiondan tomosha qilish uchun ruxsat berilgandi. 2020 yildan e’tiboran mamlakatda ayollar ligasi o‘yinlari o‘tkazib kelinadi.