Sancho Bundesligaga qaytishi mumkin

Hozirda "Chelsi" safida ijara asosida to‘p surayotdan MYu futbolchisi jeydon Sancho Germaniya chempionatiga qaytishi mumkin.  

Yaqinda "Chelsi" 25 yoshli futbolchini majburiy sotib olish fikridan voz kechmoqchi ekani haqida xabarlar paydo bo‘ldi. Buning uchun "ko‘klar" "Manchester Yunayted"ga deyarli 6 million evro miqdorida to‘lashi kerak bo‘ladi. The Sun Football nashrining ma’lumotiga ko‘ra, agar "Chelsi" Sancho transferidan voz kechsa, Leverkuzenning "Bayer" klubi vingerni o‘z safiga qo‘shib olishga urinib ko‘radi.

Angliyalik futbolchi joriy mavsumda Entso Mareska jamoasi safida 39 ta o‘yinda maydonga tushib, 4 ta gol va 10 ta assist qayd etdi. Transfermarkt portali uning bozor qiymatini 30 million evroga baholamoqda.