Saloh yosh futbolchini tan olgisi kelmadi

“Liverpul” etakchisi Muhammad Saloh bosh murabbiy Yurgen Kloppning “Midtyullann”ga qarshi o‘tkazilgan uchrashuvda Trent Aleksander-Arnoldga sardorlikni topshirganidan norozi bo‘lmoqda.

Chempionlar ligasining o‘sha uchrashuvida liverpulliklar asosan zaxira tarkibi bilan o‘ynadi. Tajriba bobida boshqalardan ustun bo‘lgan Muhammad Saloh maydonga tushganiga qaramay, ilk bor sardorlik vazifasi 22 yoshli Trentga topshirildi. Misrlik futbolchiga bu ma’qul kelmadi.

- To‘g‘risini aytsam, hayron qoldim. Aslida men sardorlik qilishimga ishongandim. Lekin murabbiyning qarori boshqacha bo‘ldi. Uni qabul qilishga majburman, - dedi Muhammad Saloh.