Sadoqat ramzi! Modrich "An-Nasr"ning super taklifini rad etdi

"Real" yarim himoyachisi Luka Modrich faoliyatini Madrid klubida yakunlash niyatida. Bu haqda bir qator manbalar xabar bermoqda.

Ta’kidlanishicha, xorvatiyalik xavbek "An-Nasr" klubining 40 million evrolik taklifini rad etdi va karerasini "Real"da tugatishni istayotganini ma’lum qilgan. 

Avvalroq, Luka jamoadagi asosiy rol taqdim etilmasa, "qaymoqranglilar"ni tark etishi haqida xabarlar chiqayotgandi. 

Joriy mavsumda u "Real" safida jami 23 uchrashuvda maydonga tushib, 5 ta gol hamda 2 ta assist muallifiga aylandi.