Reshford bugungi o‘yinda nega zaxirada qoldirildi? Bosh murabbiy javob berdi

Ayni vaqtda "Manchester Yunayted" jamoasi safarda "Vulverxempton"ga qarshi bahs olib bormoqda. Mazkur o‘yinda oxirgi bellashuvlarda ajoyib natijalar qayd etib kelayotgan Markus Reshford zaxirada qoldirildi. Shu borasida berilgan savolga mehmonlar bosh murabbiyi Erik ten Xag quyidagicha javob berdi. 

"Ichki qoidalarga ko‘ra, biz shunday qarorga keldik. O‘yinga e’tibor qaratishimiz lozim. 

U yaxshi formada ekanini bilaman. Biroq bizda hech kimga asosiy tarkibdagi o‘rinlar kafolatlanmagan. Hech kim barcha uchrashuvda maydonga tushmaydi, buning iloji yo‘q", - dedi niderlandiyalik mutaxassis.