"Real" "Negreyra ishi" bo‘yicha FIFAga batafsil hisobot taqdim etmoqchi

Madridning "Real" klubi Negreyra davridagi ispan hakamligi masalasida jiddiy qadam tashlashga tayyorlanmoqda. Klub 20 yildan ortiq vaqt davomida La Ligada sport xatolari qurboni bo‘lganini isbotlash uchun FIFAga ko‘plab hujjatlar va videolarni o‘z ichiga olgan batafsil hisobot taqdim etadi, deb yozadi El Chiringuito.

Deyarli tayyor bo‘lgan hujjat ba’zi hakamlarning qarorlari muntazam ravishda klubga zarar etkazganini aniqlashga qaratilgan.

Ushbu tashabbus "Real" va "Barselona" o‘rtasidagi o‘ta keskin munosabatlar fonida paydo bo‘ldi, "ko‘k-anorranglilar" hujumchisi Lamin Yamal yaqinda "Real"ning doimiy ravishda shikoyat qilib, firibgarlik qilayotgani, shuningdek, Kataloniya klubi prezidenti Joan Laporta madridliklarni "Barselona"ga nisbatan noxolis munosabatda bo‘lgani uchun qoralaganidan keyin keskinlashdi.

Ushbu hisobot orqali "Real" nafaqat o‘z imijini himoya qilishga, balki Ispaniya hakamligi bo‘yicha xalqaro munozaralarga ham ta’sir o‘tkazishga harakat qilmoqda.