“Real” jamoani kuchaytira oladigan vunderkind topdi

“Real” kelajakda jamoa etakchisiga aylanishi mumkin bo‘lgan futbolchi transferini amalga oshirmoqchi. Madridliklarga nemis futbolining porlayotgan yulduzchasi – Florian Virtsning salohiyati ma’qul keldi.

Leverkuzenning “Bayer” jamoasida o‘ynayotgan 19 yoshli hujumkor futbolchini Evropaning ko‘plab grand klublari nishonga olgan.

Todofichajes nashri vakillarining ta’kidlashicha, “Qirollik klubi” Virts transferi uchun mablag‘ni ayamaydi. “Bayer” o‘z o‘yinchisi bilan 2027 yilning yozigacha shartnoma tuzgan va Virtsni 85 million evroga baholamoqda.

Florien Virts yosh bo‘lishiga qaramay, Germaniya terma jamoasi a’zosi hisoblanadi. U shu kunga qadar bosh jamoa safida oltita o‘yin o‘tkazgan.