“Real” futbolchisi Mourinodan taklif oldi

“Real”da Zinedin Zidan bilan chiqisha olmagan Garet Beylga o‘z jamoasidan joy bergan Joze Mourino frantsiyalik mutaxassisdan norozi ekanini e’lon qilgan Iskoni ham Londonga chorlamoqda.

Portugaliyalik murabbiy iste’dodli pleymeyker “Tottenxem”ning o‘yinini kuchaytira olishiga shaxsan ishonmoqda. Mourino klub rahbariyatini ispaniyalik futbolchini olishga ko‘ndirgan. Joze tarkib yanada kuchaytirilgan taqdirda, “Tottenxem” Chempionlar ligasiga yo‘llanma beruvchi kuchli to‘rtlikka kirish uchun kurashishi ta’kidlamoqda.

“Real”da etarlicha o‘yin amaliyotiga ega bo‘lmayotgan Iskoning o‘zi ham Madridni tark etishga tayyor.