Rasman! O‘zbek mutaxassisi Tokio Olimpiadasida hakamlik qiladi!

Xalqaro toifadagi referi, "O‘zbekiston Respublikasida xizmat ko‘rsatgan sportchi", "O‘zbekiston belgisi" ko‘krak nishoni, "Shuhrat" medali sohibi Ramziddin Saidov rasman Tokio Olimpiadasida hakamlik qilish huquqini qo‘lga kiritdi.  

 Bu haqida Xalqaro dzyudo federatsiyasi (IJF) Hakamlar qo‘mitasi ma’lum qildi. Tashkilot bu borada O‘zbekiston dzyudo federatsiyasiga rasmiy maktub yo‘lladi va tegishli sertifikatni taqdim etdi. Ramziddin Saidov qisqa fursatda Jahon va Osiyo chempionati, "Masters", "Katta Dubulg‘a", Gran-Pri hamda IJF bayrog‘i ostida o‘tkaziladigan boshqa barcha musobaqalarda hakamlik qilib, xalqaro ekspertlar tomonidan ijobiy baho oldi.

O‘zbekiston dzyudo federatsiyasi matbuot xizmati