"Qo‘qon-1912" legioneri jamoani tark etdi

“Qo‘qon-1912” jamoasining Serbiyalik tajribali himoyachisi Ivan Yosovich kelgusi mavsumni boshqa jamoada boshlaydigan bo‘ldi.

Klub rahbariyati legioner himoyachi bilan o‘rtadagi shartnomani har ikki tomonning roziligi bilan bekor qildi. Ivan Yosovich 3 yil mobaynida “shunqorlar” tarkibida o‘zining ishonchli o‘yini bilan jamoa a’zolari va muxlislar orasida katta hurmat qozondi.

Qo‘qonliklar Ivan Yosovich bilan do‘stona xayrlashdi. "Barchasi uchun rahmat senga Ivan!",-deya serbiyalik futbolchiga minnatdorchilik bildirdi jamoa matbuot xizmati.