"Qo‘qon-1912" ertaga nazorat o‘yini o‘tkazadi

Yangi mavsumga tayyorgarlikni Toshkent shahrida olib borayotgan "Qo‘qon-1912" jamoasi mashg‘ulotlarni kuniga ikki mahaldan olib bormoqda. Suhrob Berdiev shifokor nazorati ostida alohida mashg‘ulotlarda ishtirok etmoqda.

Klub matbuot xizmati tarqatgan xabarga ko‘ra, Baxtiyor Ashurmatov shogirdlari ertaga Jizzaxning "So‘g‘diyona" jamoasiga qarshi o‘rtoqlik uchrashuvi o‘tkazadi. Mazkur bellashuv "To‘qimachi" stadionida bo‘lib o‘tadi va soat 12:00 da start oladi.