Pike chempionlik poygasi haqida o‘z fikrini bildirdi

"Barselona"ning markaziy himoyachisi Jerar Pike La Ligadagi chempionlik poygasi haqida gapirib o‘tdi.

“Uch ochko (“Vilyarreal”ga qarshi o‘yinda) chempionlik poygasida davom etish uchun juda muhim edi. Biz ajoyib o‘ynadik, endi mavsum oxirigacha xuddi shu ruhda o‘ynashimiz kerak. Biz jadvalda ortda qolishni yoqtirmaymiz, ammo juda qiyin bo‘lsa-da, biz buni o‘zgartirishga harakat qilamiz”, - deydi Pike.

Eslatib o‘tamiz, 34 tur yakunlariga ko‘ra, “Barselona” peshqadam “Real”dan 4 ochko ortda qolmoqda.