"Pekin-2022" qishki Paralimpiya o‘yinlarining medallari dizayni namoyish etildi

2022 yil Pekinda bo‘lib o‘tadigan qishki Olimpiya va Paralimpiya o‘yinlari medallari Qishki Olimpiya o‘yinlariga 100 kun qolganiga bag‘ishlangan tantanali marosimda taqdim etildi.

Medallarning dizayni nafaqat mezbon mamlakat madaniyati va ruhini aks ettiradi, balki innovatsion g‘oyalar va ilhomlantiruvchi rassomlarni ham o‘zida mujassam etgan.

Qishki Olimpiya va Paralimpiya o‘yinlari bir xil darajada chiroyli bo‘lishi tamoyiliga amal qilgan holda, ularning medallari ham bir xil kontseptsiya va dizaynga asoslanadi.

Paralimpiya o‘yinlari medallarining old qismi o‘rtasiga Xalqaro Paralimpiya qo‘mitasi (IPC) logotipi o‘yib yozilgan bo‘lib, uning atrofida inglizcha o‘yilgan harflar va brayl alifbosida “Pekindagi Qishki Paralimpiya o‘yinlari 2022” so‘zlari joylashgan.

Medallarning orqa tomonidagi markazda Pekin-2022 qishki Paralimpiya o‘yinlari logotipi va uning atrofida 2022 yilgi Pekin qishki Paralimpiya o‘yinlarining to‘liq xitoycha nomi o‘yib yozilgan.

Ma’lumot uchun, Pekin 2022 qishki Paralimpiya o‘yinlari 2022 yilning 4 martidan 13 martiga qadar bo‘lib o‘tadi.