Para taekvondochilarimizning keyingi bosqichdagi raqiblari ma’lum

Bugun Tokio-2020 yozgi Paralimpiya o‘yinlarida para taekvondo bo‘yicha bahslar bo‘lib o‘tmoqda. Unda hamyurtlarimiz ham muvaffaqiyatli ishtirok etishmoqda.

Jumladan, ayollar o‘rtasida -49 kg vazn toifasida Ziyodaxon Isoqova yarim finalga yo‘llanmani qo‘lga kiritdi. Sportchimiz final ostonasida perulik Leanor Espinozaga qarshi dayanga chiqadi. Ushbu jang bugun Toshkent vaqti bilan soat 14:00 da boshlanadi.

-61 kg vazn toifasida qatnashayotgan vakilimiz Zuxriddin Toxirovga bronza medali uchun o‘tish bahsida frantsiyalik Bofa Kong raqiblik qiladi. Ushbu jang bugun Toshkent vaqti bilan soat 13:15 da boshlanadi.