Otabek Shukurov "Sharja"ni tark etdi. Futbolchi faoliyatini Evropada davom ettirishi mumkin

Birlashgan Arab Amirliklarining "Sharja" safida harakat qilayotgan legionerimiz Otabek Shukurov klubni tark etdi. Bu haqda mahalliy nashrlar yozmoqda.

Manbaning xabariga ko‘ra, hamyurtimiz faoliyatini Evropa maydonlarida davom ettiradi. Shukurov sharjaliklar tarkibiga 2018 yil "Bunyodkor"dan ko‘chib o‘tgandi. Shu vaqt mobaynida yarim himoyachi 121 ta o‘yinda maydonga tushib, 10 ta gol urgan va 8 golga hammualliflik qilgan.

Tez orada futbolchining yangi jamoasi haqida ma’lumotlarni e’tiboringizga havola qilamiz.