Osiyo chempionatida 10 ta medalga sazovor bo‘lgan para velosportchilarimiz yurtimizga qaytdi

Para velosport bo‘yicha O‘zbekiston terma jamoasi a’zolari 25 mart kuni qo‘shni Tojikiston poytaxti Dushanbe shahrida bo‘lib o‘tgan Osiyo chempionatida muvaffaqiyatli ishtirok etdi.

6 ta oltin, 3 ta kumush va 1 ta bronza, jami 10 ta medalga sazovor bo‘lgan terma jamoamiz a’zolari bugun yurtimizga qaytib kelishdi. Ular Toshkent xalqaro aeroportida O‘zbekiston Milliy paralimpiya qo‘mitasi vakillari, ota-onalar va ommaviy axborot vositalari xodimlari tomonidan munosib kutib olindi.