"Osasuna"ga qarshi o‘yinda Azar nega zaxirada qoldirildi?

Madridning “Real” klubi bosh murabbiyi Karlo Anchelotti futbolchi Eden Azar nima uchun La Liga 7-turidan o‘rin olgan “Osasuna”ga (1:1) qarshi o‘yinda maydonga tushmaganiga izoh berdi.

"O‘yin shunday bo‘ldiki, Azar emas, ikkinchi qavatda kurash olib bora oladigan ikkinchi hujumchi kerak edi. Eden esa bu talablarga javob bermaydi", - deya murabbiyning so‘zlarini keltiradi klub matbuot xizmati.

La Liganing joriy mavsumida 31 yoshli belgiyalik futbolchi 3 ta o‘yinda gol ura olmadi. Chempionlar ligasida esa bitta o‘yinda bitta gol urdi.