O‘runov qaysi jamoada o‘ynashi hal bo‘ldi!
Rocsiya premer-ligasida qolgan yagona vakilimiz Oston O‘runov faoliyatini qaysi jamoada davom ettirishi hal bo‘ldi.
O‘tgan yozda “Ufa”dan “Spartak” jamoasiga transfer qilingan o‘zbekistonlik yarim himoyachi turli sabablarga ko‘ra, moskvaliklarning asosiy tarkibiga kira olmagan edi. Qishda hamyurtimiz “Ufa”ga ijaraga berildi.
Garchi qishda “Rubin” va mavsum oxirida “Ufa” rahbariyati O‘runovning transfer huquqini to‘la sotib olish bo‘yicha “Spartak”ga murojaat qilgan bo‘lsa-da, poytaxt klubi talab qilgan summa xaridorlarga to‘g‘ri kelmadi.
O‘tgan mavsumda premer-liga va kubok bahslarida jami 19 ta uchrashuvda qatnashib, bitta gol va bitta golli pas muallifi bo‘lgan Oston O‘runov yana Moskva klubiga qaytib bordi.
Klub rahbariyati qaroriga ko‘ra, futbolchimiz kelasi mavsumda Milliy futbol ligasida ishtirok etayotgan “Spartak-2” jamoasi sharafini himoya qiladi.
Milliy futbol ligasining yangi mavsumi 10 iyuldan boshlanadi.
Fikrlar
FAQAT SABR BILAN O‘ZINGNI USTINGDA ISHLAGIN.O‘ZINGNI KO‘RSAT.