Og‘ir atletika. Marjona Abdumutalova – jahon chempionati shohsupasida!

Peru poytaxti Lima shahri mezbonligida bo‘lib o‘tayotgan o‘smirlar o‘rtasidagi jahon chempionati qizg‘in davom etmoqda.

Bugun ayollar o‘rtasida -59 kg vazn toifasida “A” guruhida supachaga ko‘tarilgan hamyurtimiz Marjona Abdumutalova dast ko‘tarishda 82 kg natija bilan bronza, siltab ko‘tarishda 100 kg natija bilan kumush hamda ikkikurash yakuniga ko‘ra, 182 kg natija bilan bronza medalga sazovor bo‘ldi. 

Dast ko‘tarish: 82 kg (bronza)
Siltab ko‘tarish: 100 kg (kumush)
Ikkikurash: 182 kg (bronza)