OChL. "Nasaf" joy olgan guruhda vaziyat qanday? (Foto)

Osiyo Chempionlar ligasida 2-tur bahslari yakunlandi. "E" guruhidan joy olgan "Nasaf" bu turda Iordaniyaning "Al-Vehdat" klubini 2:0 hisobida mag‘lub etdi. Shuningdek, dastlabki turda vakillarimiz bilan durang qayd etgan "Al-Sadd" 2-turda "Al-Faysali"ga 1:2 hisobida imkoniyatni boy berdi. 

Mazkur natijalardan so‘ng "Nasaf" va "Al-Faysali" hisobida bir xil 4 tadan ochko mavjud. "Ajdarlar" to‘plar nisbatining yaxshiroq ekanligi bois 1-o‘rindan joy egallab turibdi. 

"Al-Sadd" hamda "Al-Vehdat" ham bir xil ochko to‘plashga muvaffaq bo‘lgan. Ular 1 ochko bilan mos ravishda uchinchi va to‘rtinchi pog‘onalarni band etgan.